អគ្គិសនីក្រុមហ៊ុន ឃុន ចាន់ធារិទ្ធិ បានមកវិនិយោគ ប្រតិបត្តិការអាជីវកម្ម នៅស្រុកកំពង់សិលា ខេត្តព្រះសីហនុអស់រយៈពេលជាច្រើនឆ្នាំមកហើយ ក៏ធ្លាប់មានពលរដ្ឋអ្នកប្រើប្រាស់រិះគន់ករណីដាច់ចរន្ត ញឹក ញាប់ ហើយយូរម៉ោង តែតម្លៃវិក័យប័ត្របង់លុយថ្លៃភ្លើងប្រចាំខែ មិនសូវខុសគ្នាប៉ុន្មានទេដោតអាចនៅទទួល យកបាន។ តែចាប់ពីខែមករា ឆ្នាំ២០២៤នេះ វិក័យប័ត្របង់លុយថ្លៃភ្លើងចេះតែកើនឡើង រហូតដល់ដើមខែ ឧសភា ឆ្នាំ២០២៤នេះ ក៏មានបងប្អូនប្រជាពលរដ្ឋជា ច្រើនអ្នកប្រើប្រាស់ក្នុងឃុំកំពង់សិលា បានបញ្ចេញប្រតិកម្មចំពោះការកើនឡើងបន្ទប់ឈរនៃតម្លៃភ្លើងពីមួយខែ ទៅមួយខែ។
អតិថិជនអ្នកប្រើប្រាស់ភ្លើងក្រុមហ៊ុនខាងលើនេះ បានថត វិក័យប័ត្របង់លុយថ្លៃភ្លើងនោះបង្ហោះតាមបណ្ដាញសង្គមហ្វេសប៊ុក បែបរិះគន់និងហួសចិត្តមិនដឹងទៅពឹងអ្នកណាឲ្យជួយដោះស្រាយ ឬពិនិត្យឲ្យបានច្បាស់លាស់ត្រឹមត្រូវទេ។ នៅក្នុងការបង្ហោះនោះដែរក៏មានបងប្អូនពលរដ្ឋអ្នកប្រើប្រាស់បណ្ដាញអគ្គិសនី ជាច្រើនបានចូលទៅខំមិនលើកឡើងថា ពួកគាត់បានជួបបញ្ហាលុយថ្លៃបង់ភ្លើងឡើងដូចៗគ្នា,ខ្លះខំមិនបែបរិះគន់ខ្លះ,ខំមិនបែបហួសចិត្តថា បើក្នុងមួយខែថ្លៃលុយបង់ភ្លើងឡើង១ម៉ឺនរៀលអ្នកខ្លះឡើងដល់២០ម៉ឺនរៀល ក្នុងមួយខ្នងផ្ទះចុះប៉ុន្មានពាន់ខ្នងផ្ទះទៅក្នុងស្រុកកំពង់សិលា ហើយបញ្ហានេះកើតឡើងអស់រយៈពេលប៉ុន្មានឆ្នាំមកហើយ។
យោងលើវិក័យប័ត្រ បង់លុយថ្លៃភ្លើងដែលប្រជាពលរដ្ឋបង្ហោះលើបណ្ដាញសង្គមឃើញថា មានការកើនឡើងគួរឲ្យកត់សម្គាល់។វិក័យបត្រខ្លះប្រើប្រាស់ក្នុងខែ ៤ អស់ ៦០ ម៉ឺនរៀល ឡើងមក ៨០ម៉ឺនរៀលជាង អ្នកខ្លះទៀតធ្លាប់ប្រើប្រាស់អស់៧០ម៉ឺនរៀលអី ឡើងដល់៩០ម៉ឺនជាងពិតជាគួរឆ្ងល់ណាស់។ ពលរដ្ឋអ្នកប្រើប្រាស់ចរន្តអគ្គិសនីបានលើកឡើងថា អាចមកពីម្ចាស់អគ្គិសនីកំពង់សិលា ប្រញាប់យកលុយទិញភ្នំមួយទៀត។
ប្រជាពលរដ្ឋរអ៊ូរទាំចំពោះបញ្ហានេះថា នៅរដូវប្រាំងភ្លើងប្រើមិនគ្រប់ ហើយអស់ថាមពលច្រើនទៀត។ ការចំណាយទៅលើការប្រើប្រាស់ភ្លើង មានការកើនឡើងទើបតែ២ដង។ អាជ្ញាធរមូលដ្ឋានមិនអាចដោះស្រាយបញ្ហានេះបានដោយរុញឲ្យប្រជាពលរដ្ឋទៅសួរនាំក្រុម ហ៊ុនអគ្គិសនីដោយផ្ទាល់។ ក្រុមហ៊ុនអគ្គិសនីដាក់បន្ទុកទៅលើប្រជាពលរដ្ឋថាប្រើប្រាស់ច្រើនទើបបានអស់លុយច្រើន។ សម្រាប់ប្រជាពលរដ្ឋមើលឃើញថា សម្ភារៈប្រើប្រាស់នៅក្នុងផ្ទះមិនមានអ្វីថែមគួរឲ្យកត់សម្គាល់នោះទេ។ ប៉ុន្តែហេតុអ្វីបានជាតម្លៃភ្លើងចេះទៅកើនឡើងមិនឈប់ឈរយ៉ាងដូច្នេះ?
ពាក់ព័ន្ធនិងបញ្ហាខាងលើ ក្រុមហ៊ុនអគ្គិសនី ឃុន ចាន់ធារិទ្ធិ ចេញសេចក្តីបំភ្លឺ តាមផេកផ្លូវការរបស់ អគ្គិសនីស្រុកកំពង់សីលា ឆ្លើយតបទៅកាន់ប្រជាពលរដ្ឋអ្នកប្រើប្រាស់អគ្គិសនីវិញយ៉ាងដូច្ឆេះថា ខាងខ្ញុំបានចុះពិនិត្យ មើលជាច្រើនដងមកហើយ ហើយខាងខ្ញុំក៏មិនមានអីនិយាយច្រើនដែល មានតែសំណូមពរឲ្យអ្នកប្រើប្រាស់ទិញកុងទ័រដែលគិតថា ត្រឹមត្រូវយកមកដាក់ប្រើប្រាស់ខ្លួនឯង បើយើងពិតជាមិនបានប្រើច្រើនចិង យើងខ្លាចអីនិងទិញយកមកប្រើ,រៀននិយាយស្ដីឲ្យសមរម្យផង៕